ياصاحبي لا تشكي الوقت والحال.. خل الذي في قلبك اليوم خافي
ما كِلْ حكي يا أبيض القلب ينقال .. ولا كل عمرٍ من شقا الحال قافي
رح واشتكي للي له الكل رحّال .. وارفع كفوفكـ له ترى الله كافي
واعرف ترى كلٍ من همومه شال .. ولا عاد شفت اللي من الهَمْ صافي
منت الوحيد اللي شكى الوقت والحال .. منت الوحيد اللي له الوقت جافي
أكذب عليك إن قلت خالي البال .. ياما مشيت الدرب والنور طافي
همي بقلبي يالخوي أتعب الحال .. دمعي بعيني ما انكسر يوم دافي